Aniversario Diego

 

Hoxe estivo de aniversario Diego de 4ºB.

                                                                    PARABENS DIEGO!

Aniversario de Aine

O lins estivo de aniversario Aine e compartiu no cole o seu soriso e ledicia.

                                                                                                                                 

                                                                      PARABENS AINE!

EXPOSICIÓN SADABONA

Hoxe visitamos a exposición de Sadabona deste trimestre. Nela puidemos ver os traballos realizados polo alumnado de todo o centro e tamén do noso curso sobre a interculturalidade. Nos traballos intentamos recoller dunha forma sinxela algunhas das moitas cousas que aprendimos sobre nós mesmos e as nosas raíces. Aprendimos moitas cousas dos nosos compañeiros e compañeiras, pero sobre todo aprendimos o importante que é respetar e valorar aos demáis porque todos e todas somos importantes.

Se pinchades na imaxe podedes ver un vídeo dos traballos.

Emocionante verdade! 

Se pinchas nas imaxes poderás ver as fotos da visita de 4ºA e 4ºB.

  E como todo traballo previamente conleva un esforzo........a continuación podes ver algunhas fotos da elaboración desta parte do proxecto.

Investigamos, recortamos, pintamos, escribimos...........tamén aprendimos a negociar a expoñer as nosas ideas, a respetar as dos demáis e sobre todo a valorarnos e a respetarnos.

                                                                                        

Aniversarios que felicitar.

 Este mes na clase de 4º A felicitamos a Gerald e Hugo.

                               

PARABÉNS GERALD E HUGO!

Viaxamos a Venezuela con Gerald de 4ºA, a súa mamá Garby e o seu pai Joel.

Este mes de decembro tivemos a visita de Garby e Joel, os pais do noso compañeiro Gerald, para contarnos un pouco de como é Venezuela e as súas xentes.

Faláronnos da bandeira e o significado das súas cores, dos simbolos nacionais como a orquídea ou Flor de Maio, a ábore chamada Araguaney  que significa " flor de ouro" pola súa cor amarela e o Turpial, que é un paxaro duns 24 cm cun precioso colorido amarelo e laranxa.

Tamén nos ensinaron lugares preciosos e descoñecidos de Venezuela e algún que parecía de película como " El salto del Ángel", que é a cascada máis grande do mundo.

Clica na imaxe para saber máis.

Puidemos probar dúas das súas comidas típicas como as arepas e o pan de xamón. Estaba todo riquísimo!

Gustounos tanto, que a mamá do noso compañeiro nos ensinou a facer arepas facendo un tutorial na aula, foi moi divertido.

Contáronnos con moita emoción como tiveron que marchar do seu país e que o botan moito de menos, porque aínda que aquí os acolleron moi ben extrañan as súas xentes, a familia que quedou atrás, os seus costumes e a ledicia carácterística coa que destacan os venezolanos e venezolanas.

Os nenos e nenas de 4ºA quixemos animalos a que nos ensinaran un pouco da súa ledicia, así que nos fixeron unha demostración de baile que nos encantou.

Pincha nas fotos e verás unha pequena demostración.

Foi unha xornada na que aprendimos moitas cousas de Venezuela e das súas xentes, dos seus costumes e sobre todo, da importancia de respectarnos, valorarnos como cidadans do mundo no que todos e todas podemos aprender uns dos outros.

Se pinchas na imaxe poderás escoitar unha canción típica de Venezuela e que ten un significado especial para Marby e Joe., Anímovos a escoitala!

MOITAS GRAZAS FAMILIA!

Viaxamos a Paraguay con Martín Prieto de 4ºB e o seu pai.

 O venres 1 de decembro, seguindo coa colaboración das familias para o proxecto Sadabona, visitounos o pai de Martín para falarnos de Paraguay.

Contounos moitas cousas bonitas e outras un pouco máis tristes como que houbo dúas guerras moi sangrientas entre os séculos XIX e XX que casi acaban coa poboación do país. Imaxinades iso! 

En Paraguay o idioma guaraní é cooficial co español e fálano o 90% da poboación. Foi a primeira lingua indíxena en alcanzar o estatus de idioma oficial.

Tamén nos explicou que Paraguay é a maior producora de enerxía do planeta e so consume o 16% da enerxía que produce, o resto é exportado.

Destacan as Cataratas de Iguazú ( unha das Sete Maravillas Naturales do Mundo) e o acuífero de Guaraní, que é unha das maiores reservas de auga doce do planeta.

Pincha na foto e e viaxarás por un momento.

Puidemos disfrutar das danzas típicas do país e da súa gastronomía. En fin, unha viaxe fascinante por un país que ten moito que ensinar ao mundo. 

Clica na imaxe e podes ver as fotos da visita.

                         Grazas Daniel por compartir con nós tantas experiencias!

Sadabona: Viaxamos a León co noso compañeiro Nathan e a súa nai Elia.

O 28 de novembro tivemos a sorte de poder contar coa visita de Elia, a mamá de Nathan de 4ºB, para contarnos a cultura e tradición do seu lugar de orixe: Astorga (León) e tamén do lugar de orixe do papá do noso compañeiro: Salamanca.

O primeiro que aprendimos e nos pareceu moi gracioso é que aos de León se lles chama Maragat@s e os de Salamanca Charr@s. 

Contounos cousas curiosas como que en Astorga hai un museo do chocolate, do palacio episcopal realizado por Gaudí, das festas do lugar, dos diferentes camiños que fan os peregrinos desde alí ata Santiago de Compostela e tamén das comidas típicas.....

Na visita por Salamanca falounos da súa catedral e os segredos que esconde, do río Tormes e os piragüistas que o percorren, e tamén do mariquelo ( orixinariamente o membro da familia dos Mariquelos, que debía subir cada ano á torre da Catedral Nueva de Salamanca, en agradecemento a Deus porque o terremoto de Lisboa de 1755 apenas dañou o edificio e non ocasionou vítimas mortais).

Foi unha visita moi divertida e coñecimos moitas cousas do noso país que non sabiamos. 

Se queredes ver as fotos da visita pinchade na foto.

                         Grazas Elia pola túa colaboración e implicación co noso proxecto!