25N Día Internacional Contra a Violencia de Xénero

 Hoxe conmemoramos este día tan importante cun acto colectivo  baixo o lema Que ninguén prenda as túas ás. 

  Cada un de nós decorou unha bolboreta con frases reivindicativas da loita contra a violencia de xénero e lanzámolas todos xuntos para simbolizar a necesidade de ser libres en igualdade. Tamén abriron as súas ás as bolboretas de todas as clases. Ademais houbo un manifesto e unha canción relacionadas coa conmemoración.

Podedes ver máis  fotos pinchando na imaxe e tamén na páxina web do cole. 

 

SAÍDA MUSEO BELAS ARTES

Hoxe realizamos a saída dinamizada ao Museo de Belas Artes Liña. Mancha. Cor. Puidemos percorrer varias salas do museo para descubrir e entender obras de distintos períodos históricos, aprendendo e xogando. E tamén coñecemos mellor a algúns pintores, as técnicas que se utilizaban e as historias que se atopan detrás de cada pintura, como, por exemplo, o mito de Ícaro e Dédalo.

 

Pero o que máis nos gustou foi poder ver algunhas das obras orixinais de Luis Seoane, que tan ben coñeciamos xa polo noso Tarabelo. 

Podedes ver as pinturas que fixemos noutra entrada do blogue.

 Ademais, trouxemos unha tarefa pendente, que consiste en completar manchas de cor para convertilas coa nosa creatividade en algo que poidamos recoñecer.  Xa vos ensinaremos o resultado.

Encantounos este museo e seguro que repetiremos!

Pinchade na imaxe para ver todas as fotos.

 

PROGRAMA TEI A TARTARUGA XIGANTE

 Hoxe realizamos a actividade do PROGRAMA TEI A tartaruga xigante, para traballar a cooperación e a cohesión de grupo. Tratábase de conseguir que a tartaruga se movese sen perder a súa cuncha. Cada grupo tentou acadar o obxectivo, pero era máis difícil do que parecía. Aínda así, as tartarugas avanzaron e chegaron á meta. Despois reflexionamos individualmente e en grupo sobre como nos organizamos, como nos sentimos, en que axudamos e que aprendemos con esta dinámica. Démonos conta do importante que é a colaboración no traballo en equipo e ademais pasámolo moi ben.

TARABELO LUIS SEOANE

Xa podedes escoitar o tarabelo que preparamos en 4º sobre Luis Seoane. Aprendemos moitas cousas sobre el e sobre a súa obra e tamén reproducimos algunhas das súas pinturas máis famosas. Parabéns!

Pinchade nos tres soles para escoitalo no blogue do Tarabelo.

 

PROXECTO MEMORIA

 

Hoxe o alumnado de 4º, 5º e 6º de Educación Primaria asistiu na Casa da Cultura de Sada ao espectáculo “Proxecto Memoria”.

Este é un espectáculo de narración oral relacionado coa recollida de "memoria viva", a raíz de entrevistas realizadas con persoas maiores de 65 anos que viven no noso concello.

O proxecto resultou gañador dunha subvención da Deputación da Coruña. As entrevistas a veciñas e veciños de Sada realizáronse durante o ano 2021. Co resultado desas entrevistas deuse forma a un espectáculo de narración que vai apoiado con contidos audiovisuais.

Cantas cousas podemos aprender escoitando aos nosos maiores! Comprender mellor a historia dos espazos e dos barrios, a raíz da nosa identidade colectiva... e crear unha cadea de transmisión oral que vai dende as nosas avoas e avós ata os netos e netas.

Pinchade na imaxe para ver máis fotos:

 

 

FLIPBOOK INVERTEBRADOS

 Hoxe rematamos a exposición dos flipbooks que preparamos para o tema dos invertebrados e saíunos xenial. Aprendemos dunha maneira diferente e o resultado foi moi bo.  Parabéns!

DEREITO A SER BEN TRATADOS...

 Os nenos e nenas de Valores estivemos traballando sobre convivencia e fixemos un traballo sobre o noso dereito a ser ben tratados e o deber de tratar ben aos demais. O resultado explicámosllo aos nosos compañeiros e compañeiras  con esta presentación.

 Moi bo traballo!

MOITOS PARABÉNS, SARA!

                              FELIZ ANIVERSARIO!