Rematamos o trimestre coas visitas ás exposicións de escultura e un concerto divertidísimo da Orquesta Pantasma.
Podedes na páxina web do cole os vídeos das presentacións dos distintos cursos.
Este é o vídeo de 3º e 4º:
Tamén podedes ver fotos e vídeos das visitas de 4º nesta ligazón
E as fotos do proxecto:
E se queredes ver o ben que o pasamos no concerto aquí tedes os vídeos
FELICES VACACIÓNS!
Hoxe tivemos a sorte de que nos visitase Ángel, o pai de Inés, para ensinarnos moitas cousas sobre o traballo no mar.
Explicounos como se usan algúns aparellos e útiles mariñeiros e varias curiosidades sobre os peixes, golfiños, aves e outras especies que viven nas nosas rías. Falounos de como afectan as mareas e o cambio climático ás diferentes especies e ao traballo dos pescadores.
Ademais tróuxonos unha agulla como as que empregan os mariñeiros para reparar as súas redes e outros obxectos que podedes ver na nosa exposición.
Moitas grazas a Ángel pola súa colaboración no noso proxecto MAR E VIDA!
Pinchade na imaxe para ver algunhas fotos da visita
Pinchade na imaxe para ver algunhas fotos.
O pasado venres día 24 de marzo, unha representación do noso centro acudiu a Santiago de Compostela ao acto de entrega do Premio Galego de Educación para o Desenvolvemento e a Cidadanía. O noso centro foi premiado na categoría A, centros de Educación Infantil e Primaria,polo proxecto realizado o curso pasado Ama con Corazón.
Nenos e nenas do noso colexio encargáronse de compartir cos asistentes o proxecto premiado.
Parabéns a todos e todas polo ben que o fixestes e a toda comunidade educativa pola súa colaboración.
Podedes ver fotos, vídeos e unha presentación do proxecto na páxina web do cole. Pinchade na ligazón para acceder:
https://www.edu.xunta.gal/centros/ceipsada/node/870
Este trimestre adicamos o Proxecto Crearte á escultura e na nosa clase estamos a facer un traballo chamado Mar e vida, utilizando a arte como homenaxe aos nosos mares e océanos e á necesidade de coidalos e protexelos.
Despois de asistir á obra Nautilus, coa que aprendemos que a vida mariña está en perigo, hoxe realizamos unha pequena saída á praia de Sada para recoller lixo e facer con el unha escultura como chamada de atención sobre o tema.
Os océanos son un ecosistema gravemente ameazado polos impactos das actividades humanas, entre as que destaca a contaminación por plásticos.
Un dos obxectivos de desenvolvemento sostible de Nacións Unidas compromete aos países a protexer e conservar os mares, océanos e recursos mariños.
Máis isto non é suficiente. Hai que adoptar os principios da economía circular baseada na regra dos tres r, reciclar, reutilizar e reducir. A estratexia máis eficaz é reducir o consumo.
Foi unha xornada de convivencia e traballo en equipo na que puidemos comprobar a gran cantidade de lixo que se acumula nos areais e tamén disfrutamos xogando na nosa contorna.
Proximamente ensinarémosvos as esculturas que estamos a realizar no noso proxecto.
Podedes ver algunhas fotos da actividade pinchando na imaxe.
Hoxe conmemoramos o Día Internacional da Muller cun acto colectivo no patio e tamén realizamos varias actividades na aula, reflexionando sobre a importancia da igualdade na sociedade.
Podedes ver algunhas fotos da celebración na web do cole:
Hoxe realizamos unha saída á Fundación ABANCA para ver a obra Nautilus, 20.000 légoas de viaxe submarina, unha versión da clásica novela cunha lectura actual, comprometida e preocupada pola conservación dos océanos e do noso planeta. A historia que contaría Xulio Verne hoxe en día.
A compañía La Negra conta como o Capitán Nemo vive a bordo do submarino Nautilus percorrendo os océanos de todo o mundo, pero dase conta de que a vida marina está en perigo e proponse evitalo coa axuda do profesor Aronnax.
Gustounos moito a obra e estamos dispostos a axudar ao Capitán Nemo a salvar os océanos.
Podedes ver algunhas fotos da saída pinchando na imaxe
