Chegou o Nadal ao cole e hoxe celebramos unha xornada de festa na que tivemos chocolatada, visita dos Reis Magos, badaladas, manualidades e intercambio de postais co amigo invisible. Pasámolo xenial!
Pinchade na imaxe para ver algunhas fotos. Tamén podedes visitar a web do cole para ver máis fotos e vídeos.
Hoxe queremos felicitar a Joao por ser un dos gañadores do concurso de postais do Concello.
Moitos parabéns!
A partir do rap chamado "Se buscan valentes", canción que forma parte dun proxecto de comunicación social, e que o canta Langui, fixemos a actividade do Programa TEI que ten como obxectivo concienciar, detectar e axudar a combater o acoso escolar. O obxectivo final é que o alumnado cando sexa testemuña de situacións inxustas ou de abusos á compañeiros/as, non miren cara outro lado, sexan valentes e den a cara.
Seguimos a traballar no proxecto CREARTE e nesta ocasión quixemos representar algúns cadros de Luis Seoane. Gustounos moito a actividade e ademais o resultado foi moi orixinal. Parabéns!
.jpg)
Hoxe despedimos a Carla, que comeza unha nova etapa noutro colexio. Fixémoslle un pequeno agasallo coas nosas mensaxes de agarimo.
Hoxe comezamos a colocar algunhas das obras que fixemos para o PROXECTO CREARTE.
Sodes uns artistazos e artistazas!
Podedes ver o ben que o pasamos pinchando na imaxe.
