Mobilidade sostible

 O noso centro participa no Plan Proxecta da Consellería de Educación, Ciencia,Universidades e Formación Profesional na modalidade de Mobilidade Sostible e Segura.

Coa nosa participación pretendemos desenvolver un proxecto relacionado con cambiosnos hábitos de desprazamentos cara a modelos máis seguros, activos e sostibles.

Hoxe,día 23 de febreiro, todo alumnado participamos nuns talleres impartidos por técnicos de Educación Vial da Xefatura Provincial de Tráfico da Coruña para promover a creación destes novos hábitos,de valores seguros como peóns, ciclistas ou usuarios dos diferentes medios de transporte.

 O noso taller foi “Taller de bicicleta, pasaxeiro de autobús e código PAS”.

Puidemos repasar os conceptos máis básicos de peón e pasaxeiro (uso do cinto de seguridade), e afondamos no tema da bicicleta (elementos de seguridade, como circular, algúns sinais...), como subir e baixar do autobús, e o código PAS.