Neste mes de outubro comezamos coa proposta do EDLG Palabreando.
Queredes saber en que consiste? Podedes velo no seguinte cartel.
De momento estamos aprendendo novo vocabulario en galego e agardamos poñer en marcha a nosa creatividade para participar no concurso.
Xa vos contaremos...
Hoxe o alumnado de 4º recibimos a visita de Lucía, a nosa orientadora, para contarnos, coa axuda de Potato, en que consiste o seu traballo e o que temos que facer se necesitamos axuda para solucionar algún problema.
Tamén nos trouxo unha novela gráfica sen letras, pero chea de luz, que nos encantou. Pequeñas cosas é a historia dun neno que se sinte só, pero que pouco a pouco entende que a axuda que necesita está moi preto.
.png)
Hoxe fomos de excursión á Domus, na Coruña. A actividade proposta que tiñamos era sobre o corazón. Ao principio pensamos que non nos ía gustar moito porque nos dixeron que facería unha disección dun corazón e a nosa cabeciña empezou a imaxinar cousas. Pero os nosos medos eran iso, so medos, porque a científica que realizou a actividade explicounos moi ben todo o que tiñamos que saber sobre o corazón e de forma moi sinxela. E o mellor é que puidemos observar todo cun corazón de verdade!
Despios, puidemos experimentar e tocar todo o que había no museo. Estivemos aprendendo e xogando polas tres plantas e.....a verdade.... non nos chegou o tempo a nada.
Unha experiencia formidable!
Pincha na imaxe para ver as fotos da xornada.
Hoxe asistimos a un obradoiro lúdico realizado por Augas de Galicia, dentro da campaña de concienciación sobre inundacións por desbordamento dos ríos.
Xa que o noso cole está situado nunha zona especialmente vulnerable, este taller ensinounos moitas cousas sobre o crecemento dos ríos, as súas consecuencias e aínda que non o creades, os seus beneficios.
Unha vez realizado o diagnóstico inicial dos percorridos e a fin de trazar os roteiros seguros desde os domicilios ao cole, unha das actuacións específicas para mellorar as condicións de accesibilidade e mobilidade do centro escolar é a realización da actividade "Detectives da mobilidade."
Na mesma, o alumnado tentará detectar e anotar todo aquilo que poida resultar útil para describir se é seguro ir andando ao colexio, así como participar nas propostas de melloras dos distintos percorridos inicialmente establecidos.
Podedes ver as fotos da xornada pinchando na imaxe.
A través do Programa Educando na Biosfera, e realizado a cargo dos membros Down Coruña, o alumnado de 4º de EP realizou un taller sobre a compostaxe.
A actividade consistiu en poñer en coñecemento do alumnado a problemática e a solución, onde a través dunha maneira mais amena e parrticipativa aprenderon como se realizaba o compost e que se pode utilizar para facer o mesmo de xeito correcto.
Podes ver as fotos da actividade pinchando na foto.
