BENVIDO ADAHY!

 

VISITA Á FUNDACIÓN ABANCA : NAUTILUS

 Hoxe realizamos unha saída á Fundación ABANCA para ver a obra Nautilus, 20.000 légoas de viaxe submarina, unha versión da clásica novela cunha lectura actual, comprometida e preocupada pola conservación dos océanos e do noso planeta. A historia que contaría Xulio Verne hoxe en día.

 

A compañía La Negra conta como o Capitán Nemo vive a bordo do submarino Nautilus percorrendo os océanos de todo o mundo, pero dase conta de que a vida marina está en perigo e proponse evitalo coa axuda do profesor Aronnax.

Gustounos moito a obra e estamos dispostos a axudar ao Capitán  Nemo a salvar os océanos.

Podedes ver algunhas fotos da saída pinchando na imaxe

PROGRAMA TEI A ESTRELA DO SHERIFF

 Continuamos  no Programa TEI coa realización da  actividade A estrela do sheriff, que ten como finalidade que os alumnos e alumnas aprendan a reaccionar ante o dano que pode ocasionar un mal emprego das novas tecnoloxías e as redes sociais.

A partires dunha curta reflexionamos sobre o ciberacoso e tentamos poñernos na pel de acosados, testemuñas e  acosadores, e tamén das súas familias,  para relacionarnos dun xeito correcto e san na internet.

Recollemos as nosas aportacións nestes carteis:

DÍA DE ROSALÍA

 Hoxe conmemoramos o Día de Rosalía polo aniversario do seu nacemento. 

Na nosa clase fixemos un mural creando  poesías a partires da Alborada que escribiu a  escritora dentro de Cantares Gallegos e repasamos algúns datos da súa biografía xogando e aprendendo.

 Aquí tedes un vídeo de UXÍA cantando o poema de Rosalía. 

 

MOITOS PARABÉNS, GABRIEL!

 

                           FELIZ ANIVERSARIO!

CHEGOU O ENTROIDO

Esta semana celebramos o Entroido cos Mandados do Meco e hoxe rematamos cunha festa fantástica con desfile, baile e doces. O noso cole encheuse de arte, cor e moita diversión.

Podedes ver as fotos pinchando na imaxe e tamén na web do cole

                            FELIZ ENTROIDO!

DÍA MUNDIAL DA INTERNET SEGURA

 Hoxe conmemoramos o Día Mundial da Internet segura cun taller en liña interactivo para axudar ao noso alumnado a desenvolver as súas competencias dixitais realizando un uso seguro e responsable. A actividade que desenvolvemos foi Detecta a fraude en vídeoxogos. Aprendemos a detectar páxinas falsas e mensaxes enganosos a través de diferentes exemplos e xogamos a un Kahoot. Ademais facilitáronnos diversos recursos para seguir practicando na casa.

Podedes ver algunhas fotos da sesión pinchando na imaxe