DÍA DE ROSALÍA

 Hoxe conmemoramos o Día de Rosalía polo aniversario do seu nacemento. 

Na nosa clase fixemos un mural creando  poesías a partires da Alborada que escribiu a  escritora dentro de Cantares Gallegos e repasamos algúns datos da súa biografía xogando e aprendendo.

 Aquí tedes un vídeo de UXÍA cantando o poema de Rosalía. 

 

MOITOS PARABÉNS, GABRIEL!

 

                           FELIZ ANIVERSARIO!

CHEGOU O ENTROIDO

Esta semana celebramos o Entroido cos Mandados do Meco e hoxe rematamos cunha festa fantástica con desfile, baile e doces. O noso cole encheuse de arte, cor e moita diversión.

Podedes ver as fotos pinchando na imaxe e tamén na web do cole

                            FELIZ ENTROIDO!

DÍA MUNDIAL DA INTERNET SEGURA

 Hoxe conmemoramos o Día Mundial da Internet segura cun taller en liña interactivo para axudar ao noso alumnado a desenvolver as súas competencias dixitais realizando un uso seguro e responsable. A actividade que desenvolvemos foi Detecta a fraude en vídeoxogos. Aprendemos a detectar páxinas falsas e mensaxes enganosos a través de diferentes exemplos e xogamos a un Kahoot. Ademais facilitáronnos diversos recursos para seguir practicando na casa.

Podedes ver algunhas fotos da sesión pinchando na imaxe

MODELAXE CON BARRO

 Hoxe realizamos na clase un obradoiro  con barro da man da monitora Margarita Hence. Aplicamos diferentes técnicas de modelaxe para elaborar pequenas esculturas relacionadas co mar, que será o tema central do noso proxecto CREARTE este trimestre. Desenvolvemos así a nosa creatividade expresándonos a través da arte. E agora falta pintalas cando xa pasen polas etapas de cocción e secado. 

Desfrutamos  moito con esta actividade e tamén nos demos conta do difícil que pode ser o traballo dos escultores.

Moitísimas grazas á monitora por ensinarnos tantas cousas! Encantounos a actividade.

E  parabéns aos nenos e nenas polo seu esforzo e traballo!  

Podedes ver algunhas esculturas e fotos da sesión pinchando na imaxe.

CONSTRUÍNDO UN MUNDO DE SORRISOS

  Hoxe celebramos o Día Internacional da Non Violencia e da Paz realizando un acto conxunto baixo o lema Construíndo un mundo de sorrisos, no que cada un pegamos o noso sorriso nunha escultura do  colexio. Tamén cantamos Que bonito e recitamos a Cantarela da Paz de Neira Vilas.

Ademais  realizamos diferentes actividades na aula para traballar este tema tan importante, reflexionando sobre as consecuencias que ten a guerra na nosa sociedade. 

E para rematar deseñamos  unha escultura móbil con pombas e uns colares conmemorativos. 

 Podedes ver fotos e vídeos desta xornada na páxina web do cole e algunhas máis pinchando na imaxe.  

COÑECE O MEU CLUB

Dentro do programa XOGADE atópase a actividade Coñece o meu club, na que o noso alumnado realiza unha sesión práctica e lúdica da man dos técnicos do Club Taekwondo de Sada. Así, foméntase a práctica da actividade física coa finalidade de conseguir uns hábitos cada vez máis activos e saudables.

Hoxe os nenos e nenas  de 4º puidemos desfrutar desta sesión que nos gustou moito.

               Pinchade na imaxe para ver todas as fotos e vídeos da actividade.

               Pasámolo xenial!