MOITOS PARABÉNS, ADRIANO!

 

                  FELIZ ANIVERSARIO!

CREARTE E O SOÑO DE MATÍAS

Hoxe puidemos visitar a biblioteca para coñecer o proxecto CREARTE e a misión que nos preparou Lecturitas para este curso a partires do conto O soño de Matías, que non é outra que encher de arte a nosa escola traballando sobre pintura, escultura e arquitectura. Pareceunos xenial e xa estamos desexando comezar para que o noso colexio sexa o mellor museo do mundo.

MOITOS PARABÉNS, ANTONY!

                       FELIZ ANIVERSARIO!

BIBLIOCAIXA, LECTURAS E ALGÚN SEGREDO...

 Xa temos na clase a bibliocaixa  que nos aportan desde a biblioteca do cole para que desfrutemos da lectura. 

Son libros e contos que podemos utilizar na Hora de ler e que Lecturitas seleccionou para nós.

 

Entre as diferentes propostas, esta semana Alejandra, Sara, Daniela e Leila, elixiron para lernos dous libros preciosos, Yo voy conmigo e Yo soy,  de Raquel Díez Reguera. A historia dunha nena especial con ás e moitos paxaros na cabeza, e de Martín, un neno moi popular que se fixa nela. 

Déixovos un vídeo no que Rozalen pon voz e corazón a un destes contos.

Tamén queremos lembrarvos que visitedes o blogue Lecturitas, moito conto.

E para rematar aquí tedes unha imaxe que apareceu estes días no cole e que vos chamou a atención. Por que a temos por todas partes?Que representa? Tócavos investigar e descubrir cal é o segredo que esconde...

 

ACTIVIDADE BOCCIA

 Hoxe conmemoramos o Día Mundial da Parálise Cerebral realizando unha actividade lúdica e de sensibilización denominada Boccia. Trátase dun xogo deseñado para persoas con discapacidade aceptado como deporte paralímpico desde 1984.

 A actividade contou coa supervisión e participación do membros de ASPACE, cos que compartimos esta xornada tan enriquecedora de xogo e coñecemento. 

Moitísimas grazas!

Premede  na imaxe para ver todas as fotos

E tamén podedes visitar a web do centro na ligazón

DÍA MUNDIAL DA PARÁLISE CEREBRAL 

LAPBOOK DOS VERTEBRADOS

 Ola! Hoxe queremos ensinarvos o noso traballo de Ciencias da Natureza. Cada un de nós elaborou un lapbook con todo o que aprendemos dos animais vertebrados, para despois presentalo e expoñelo na clase. Esforzámonos moito e saíunos súper ben. Parabéns a todos e todas!

XA ESTAMOS EN CUARTO!

 

Comezamos un novo curso con moitas gañas de aprender e compartir experiencias. Na clase falamos dos nosos desexos e expectativas para 4º e escribímolo todo para gardalo nunha cápsula do tempo que só poderemos abrir cando remate o curso.

 Cumpriranse os nosos desexos? Xa estamos desexando descubrilo!

 E como este ano a arte estará moi presente na nosa escola, compartimos convosco estes marcapáxinas tan chulos que deseñamos. 

 

                        ÁNIMO E ADIANTE!