PASANDO A BÓLA

 Hoxe participamos no Programa da Xunta "Pasando a bóla, xogando para cambiar", que ten como obxectivo a prevención do acoso escolar.

A actividade consistiu nunha representación teatral da man do grupo  A Xanela do Maxín, que coa colaboración do alumnado puxo en escena diferentes situacións relacionadas co acoso. Os nenos e nenas tamén se converteron en parte activa do proceso aportando ideas para resolver os comportamentos contrarios á convivencia representados. Estimulouse a reflexión e a capacidade crítica sobre os diferentes roles que interveñen neste tipo de situacións.

Foi unha actividade moi enriquecedora  que de forma lúdica nos fixo conscientes do negativo deste tipo de actitudes.

Podedes ver as fotos das dúas sesións  pinchando nas imaxes 

3º, 4º A e 5º A 

 4ºB, 5ºB e 6º 

TIRAS CÓMICAS

 O alumnado de 4º seguimos a traballar no proxecto Viñetas dende Sada e hoxe queremos compartir convosco as nosas tiras cómicas.

Pinchade na imaxe para velas.

ACTIVIDADE MUSICAL RRREDOBRA E VISITA- OBRADOIRO DE ESCULTURA

 Hoxe o alumnado de 3º e 4º tivemos unha saída AFUNDACIÓN da Coruña para realizar varias actividades moi enriquecedoras.

Primeiro puidemos asistir ao espectáculo musical RRREDOBRA, A SINFONÍA DO CAMBIO,  que resultou divertidísimo.  Nun mundo con escasez de materias primas e de exceso de lixo é a hora de sonorizar o cambio. Toda a música estaba feita a través de diferentes elementos que atopamos no  noso día a día: caldeiros, botellas, bolsas... tocando así ao ritmo dos  3R: reducir, reutilizar e reciclar. Participamos cos nosos corpos e coas nosas voces creando diferentes ritmos e pasámolo xenial.

 Despois, realizamos unha visita á nova exposición ESPAZO E TEMPO, na que fixemos un percorrido pola escultura contemporánea desde mediados do século XIX ata os nosos días. Partindo da figura de Isidoro Brocos, mestre do xenio Pablo Picasso, ata autores máis recentes coma Jorge Oteiza, Luís Caruncho, Francisco Leiro ou Juan Muñoz, puidemos ver  a singular riqueza e diversidade desta arte.

 Ademais, inspirándonos na obra de Jorge Oteiza, creamos as nosas propias esculturas e puxémolas en movemento.

Pinchade na imaxe para ver fotos e vídeos da xornada

 

CAMPIONATO DE PETANCA

 Estes días realizouse a entrega de diplomas ao alumnado que participou no campionato de petanca. 

Moitos parabéns! 

Pinchade aquí para ver as fotos

CAMPIONATO DE PETANCA

PREMIOS PALABREANDO

 No mes de febreiro  o gañador do concurso Palabreando foi Mateo.

Moitos parabéns! 

Animádevos a participar no mes de marzo facendo dúas viñetas coas palabras elixidas!

OS NOSOS ANIVERSARIOS

 

INTRODUCIÓN Á ELECTRÓNICA

 O noso centro participa no programa de innovación educativa Polos creativos, que ten como obxectivo final o desenvolvemento da competencia dixital da comunidade
educativa e o uso das tecnoloxías dixitais no proceso de ensino-aprendizaxe.

Hoxe as nosas clases realizaron unha actividade, enmarcada neste programa, de introdución á electrónica, na que aprendemos de xeito práctico como realizar un sinxelo circuíto eléctrico. 

Gustounos moito e estivemos moi concentrados durante toda a sesión.

Pinchade na imaxe para ver as fotos da actividade

 

SUPERHEROÍNAS 8 DE MARZO

Hoxe compartimos convosco as superheroínas que creamos para a conmemoración do 8 de marzo, o Día Internacional da Muller.

PARABÉNS POR TANTA CREATIVIDADE!

Pinchade na imaxe para velas  

OS NOSOS ANIVERSARIOS

 

OS NOSOS ANIVERSARIOS

 

SAÚDOS

 Na clase de Educación Física fixemos unha actividade de saúdos por equipos.

Pinchade nas imaxes para acceder aos álbums de cada clase.