OS NOSOS ANIVERSARIOS

 

OS NOSOS ANIVERSARIOS

 

25N DÍA INTERNACIONAL CONTRA A VIOLENCIA DE XÉNERO

Este ano conmemoramos o 25 N asistindo á representación da obra teatral Rosa Caramelo, a cargo de Talía Teatro, na Casa da Cultura de Sada. 

Tamén fixemos bocadillos con lemas reivindicativos segundo o traballado estes días sobre o tema.

E o alumnado de 4º A foi o encargado de realizar o Programa especial do Tarabelo nas Ondas.

 Parabéns por este fantástico traballo!

PREMIOS PALABREANDO

Os nenos e nenas que participaron no Concurso Palabreando do mes de outubro, recibiron hoxe os seus diplomas.

A nosa compañeira Nieves gañou o premio do 2º ciclo coa súa adiviña sobre o carabineiro.

Moitos parabéns!

Animádevos a participar no mes de novembro facendo rimas coas palabras que imos elixindo cada semana!

PALABREAMOS,

CREAMOS,

RIMAMOS,

XOGAMOS?

MODO RETRATO NA COLECCIÓN DE ARTE AFUNDACIÓN

 Hoxe o alumnado de 2º ciclo  realizamos unha visita-conto con obradoiro, Seguindo a pista de Cora, a retratista, na sede de AFUNDACIÓN. 

Os nenos e nenas coñeceron  a Kora, unha das primeiras retratistas da nosa
historia, que nos foi deixando pistas para identificar  os distintos tipos de retratos e
cantas cousas podemos saber sobre as persoas que aí aparecen, as súas emocións e o medio que as rodea, a través de importantes pintores de Galicia.

Tamén nos convertemos en artistas facendo o retrato dun dos nosos compañeiros ou compañeiras.

E ao rematar puidemos merendar nos Xardíns de Méndez Núñez e ver algúns dos lugares que Lecturitas visitou no verán, como o Kiosko Alfonso,  onde atoupou diferentes personaxes de Viñetas desde o Atlántico. Xa sabedes que estamos investigando para o novo proxecto do cole, que se chama Viñetas desde Sada, que trata sobre o cómic.

Podedes ver as fotos da saída pinchando na imaxe

PROGRAMA TEI: A TARTARUGA XIGANTE

 O alumnado de 4º realizamos  estes días na clase de EF a actividade do Programa TEI,  A TARTARUGA XIGANTE, na que se traballa a cohesión de grupo e a cooperación. 

Trátase de conseguir que a tartaruga se mova sin perder a súa cuncha e todos e todas o fixemos  xenial. 

Tamén disfrutamos con outros xogos e dinámicas que nos gustaron moito. 

Podedes ver as fotos da actividade pinchando na imaxe de cada grupo