No blog da bibioteca podedes ver unhas fantásticas recomendacións lectoras e máis fotos e vídeos na web do colexio.
Hoxe realizamos a primeira saída deste curso visitando o Museo do Humor de Fene e a súa Biblioteca Municipal.
Foi unha xornada moi completa, na que nos divertimos cunha búsqueda do tesouro sobre as distintas seccións da biblioteca e disfrutamos arrodeados deses libros que tanto nos gustan. E ata recibimos uns agasallos estupendos!
Tamén nos contaron quen é Xaquín Marín e a historia do Museo do Humor, no que visitamos varias salas con multitude de obras que nos gustaron moito, especialmente na sala do cómic.
E pasamos un ratiño estupendo cos espellos especiais que teñen.
Podedes ver as fotos desta saída pinchando na imaxe
Hoxe Lecturitas propúxonos unha nova misión para este curso, despois de viaxar todo o verán pola nosa contorna e chegar á cidade da Coruña:
Investigar sobre uns personaxes moi especiais que foi atopando.
En 4º A tocáronnos OS PITUFOS e en 4º B, SUPERLÓPEZ.
Deste xeito iniciamos o proxecto no que traballaremos este curso.
Estades preparados?
.png)
Estes días realizamos unha actividade relacionada coa nosa saúde chamada Coido de min, na que a partires dun estímulo audiovisual sobre os costumes dos animais, reflexionamos sobre diferentes hábitos saudables.
.png)
Este curso os nenos e nenas de 4º estamos a desenvolver en PC un proxecto de investigación sobre os diferentes residuos e a maneira de optimizar a súa recollida.
De superheroes e superheroínas da enerxía a superheroes e superheroínas da reciclaxe!
Participamos con Ecoembes no proxecto Naturalizahttps://www.naturalizaeducacion.org, que quere impulsar a presencia do medio ambiente na Educación Primaria a través dunha aposta transversal de aprendizaxe cooperativo no que involucraremos a todo o alumnado.
Desde Naturaliza facilitáronnos papeleiras amarelas e azuis para a reciclaxe.
Para coñecer que envases teñen que ir en cada colector visita a páxina
Pinchando na imaxe podedes ver as fotos das sesións de montaxe
.png)
Neste mes de outubro comezamos coa proposta do EDLG Palabreando.
Queredes saber en que consiste? Podedes velo no seguinte cartel.
De momento estamos aprendendo novo vocabulario en galego e agardamos poñer en marcha a nosa creatividade para participar no concurso.
Xa vos contaremos...
Hoxe o alumnado de 4º recibimos a visita de Lucía, a nosa orientadora, para contarnos, coa axuda de Potato, en que consiste o seu traballo e o que temos que facer se necesitamos axuda para solucionar algún problema.
Tamén nos trouxo unha novela gráfica sen letras, pero chea de luz, que nos encantou. Pequeñas cosas é a historia dun neno que se sinte só, pero que pouco a pouco entende que a axuda que necesita está moi preto.
.png)
.png)
